Berhema Kavir a ku Rewşanê berhev kiriye di 4'ê Adara 2022'yan roja înê de li hemû platformên dîjîtal cihê xwe girt. Rewşanê ev berhem ji Dengbêj Bekir Akkuş ê ku li Îdirê dijî berhev kiriye. Peyva 'Kavir' di zaravayê Kurmancî de tê wateya berxê dusalî. Di stranê de behsa şivanekî tê kirin. Şivanê ku kavirên xwe diçêrîne, hiş û aqilê wî li ser keçên gund e, bi wan re nazê dike. Di vê navê de gurek tê, 101 pezên şivên tarûmar dike. Şivan bi feryad û fîxan tê gund û çîroka xwe ji gundiyan re dibêje. Ew dixwaze ku ji her malekê kavirek bidinê, ji ber ku ew dibêje ku azeb e, dê kaviran bifiroşe û bi vî awayî bizewice.

Ev stran li gelek herêman hatiye gotin, lê versiyona ku Rewşanê berhev kiriye ji herêma Îdirê ye. Berhem metnek kevneşopî ye, tê de gelek peyvên ku aîdî jiyana rojane ya herêma xwe ne hene, ev yek jî wergerandinê zehmet dike.

Muzîk û Gotin: Kevneşopiya Kurdî / Serhed Çavkanî: Dengbêj Bekir Akkuş Berhevkar: Rewşan Arrangement: Hakan Gürbüz Mix û Mastering: Evren Arkman Wênekêş: Serdar Tanyeli Berhêmhêner: Rewşan Gîtara Bas: Hakan Gürbüz Midi Key: Hakan Gürbüz Dehol: Erkal Öztürk Gîtar: İpek Ektaş Keyboard: Adem Gülşen Klarnet: Sedat Gülcü Keman: Metehan Dada Perkusyon: Ali Emre Algır Stûdyo: Harem's Sound, RH Pozitif Dîzayna Hunerî: Rewşan Mormorîk: Zeworks