Xebata single'a ku Rewşan û Tara Mamedova bi hev re duet kirine "Xuçê" di 4'ê Adara 2022'yan roja înê de li hemû platformên dîjîtal cihê xwe girt. Belavkirina stranê ya li platformên muzîka dîjîtal ku gotin a Tara Mamedova û muzîk a Rewşanê ye, ji aliyê Believe've hate belavkirin.

"Hêza piştgiriya jinan ji girêdana xwîşkatiyê tê. Ev girêdana nexuyayî ya di navbera me de belkî diçe heta sedsalên berê, heta demên ku em jinên zana, hunermend û şîfadar bûn... Mixabin wê girêdana xwîşkatiyê ya ku me bi hev ve girêdide, herçend bi demê re qels bûbe jî, tu car neqetiya, ji ber ku em hê jî ew sêrbazên xurt in ku stranan dibêjin, direqisin û bi dilovanî hev hembêz dikin. Em hewl didin ku girêdana di navbera xwe de bi evînê xurt bikin. Em vê yekê hem ji bo xwe, hem ji bo me hemûyan û hem jî ji bo cîhaneke çêtir dikin. Ji ber ku em warê hev in." Û strana "Xuçê" bi van hestan derket holê.